اين نحن الآن .؟؟ لماذا تمطر السماء فى الشتاء .؟؟
ماهى حقيقة عفاريت سجن أم الخلول .؟؟
من أطلق الرصاص على هند علام ؟؟
هل نحن فى خطر .؟؟ ام انها زوبعه فى البطرمان .؟؟
ماهى صحة تعاقد الأهلى مع عمرو أديب .؟؟
هل أصبنا باللامنطقيه .؟؟ ام بهلاوس الانفلات الكوكبى ..؟؟
البحر بيضحك ليه .؟؟؟ وانت عامل ايه دلوقتى .؟؟
ماهى حقيقة علاقة أدهم صبرى بحاتى السيدة زينب .؟؟
هل تزوج رفعت اسماعيل الام مارشا ساحرة الفودو .؟؟
(( خبطات صحفية ))
يقول الهامى عبدالشافى 99 سنه : انا معرفش ايه الموضوع
فجأه سمعت فى نشرة الاخبار عن الصحن الطاير اللى بتقولو عليه
بس ماعتقدش ان فى صحون طايره , ولا هو في والحكومة مخبيه علينا .؟
بس انا سمعت يابيه ان كوكب المشترى ده باعت لينا لحمه وقمح
ده صحيح ولا انتوا هتصهينوا كالعادة .؟؟
وتضيف عنايات ابوالمجد 215 سنة: ارحمونا بقى زهقتونا فى عيشتنا
عاوزين نقعد نربى العيلين الحيلة ,
خليتوا سن المعاش 200 سنه وقلنا ماشى
وخفضتوا المرتبات 60% وقلنا ماشى ,
كمان عاوزين تسحبوا مننا رخص السواقه
لالالا كده تسيب واستهتار ,العالم كله بيرخص دبابات دلوقتى
ابن اخويا فى مدغشقر بيروح مدرسته بالهيلوكوبتر والأباتشى
احنا عاوزين حرية اكتر من كده .. وياريت حد من المسئولين يسمعنى
أما سلامه فراويلة 185 سنه فيقول : عباس الضو قال لأ
وعلى جانب آخر وقفت مجموعة من المتظاهرين
أمام مقر رئاسة الوزراء
مطالبين السيد الاستاذ الدكتور أحمد نظيف بحقوقهم المهدورة
وكانت لنا هذه اللقاءات
تقول بديعة الشنوانى 79 سنه : انا جدى كان رافع قضية تعويض
سنة 2012 على وزارة الشئون الاجتماعية عشان المعاش بتاعه
وكتبنا شكوى للدكتور نظيف أياميها وكل سنة ناخد حكم بالتأجيل
وربنا معانا بقى الجلسة اللى جاية ناخد حكم نهائى قبل مااموت
أما الزواوى مسعود 60 سنه فيقول : ياجماعه حد يساعدنى
انا بقالى 40 سنة خاطب ومش لاقى شقه حتى لو على السطوح
انا روح اليأس بدأت تتملك منى وبدأت أشعر بالاحباط
وخايف قطر الجواز يفوتنى وانحرف .. أريد حلا
فاصل اعلانى قصير نواصل بعده اهم
مهاتراتنا
من المفاجأت المنتظر تفجيرها, نحن فى انتظار آخر الفتاوى
هل من يموت زوران , يعتبر شهيد .؟؟؟
وقد أثارت المسألة جدلا واسعا , من حيث الحسم فى هذه القضيه
واتفق معظم العلماء على توقف حالة كونه شهيدا ام لا كالآتى
لو كان قد قال بسم الله الرحمن الرحيم قبل الاكل فهو شهيد
أما لو نسى فبالتالى الشيطان بياكل معاه . فليس شهيدا
وكان للطب النفسى رأى آخر
يقول الدكتور حموده نفسنه : منطقيا لايوجد مايسمى بالمرض النفسى
لكنها الحاجه للعلاج الروحانى
فعندما تبدأ حبيبات الانبعاث التحويلى فى العمل
يشعر المرء بغضاضة فى حلقه
وتصاحبها بعض السخونيه والرغبة الملحه فى التبول
وينتابك شعور بأنك أصبحت مذءوبا
ولكن هناك تأثير عكسى لهذه الحبيبات بالاكثار من اكل الهوهوز
حيث تعمل على تنشيط خلايا الدعليف
ويزداد معها الشعور بالانكماش للداخل
لهذا فأنا انصح المشاهدين بضرورة التأكد من غلق
اقفال المنزل جيدا وان يكون الفراش دافئ بما يكفى
على 100 فاصلة 206 ((X Y Z)) اعزائى مستمعى محطه
وبرنامجكم .. برنامج الجماهير .. البرنامج اللى من الاخر يعنى
برنامج اسأل كيمو وكيمو هيظبطك
وسؤال الناس اللى بتسمعنا على القهاوى
بتحب مراتك اكتر .. ولا هيفاء وهبى ؟؟
اتصل بينا على 0123 0900 وهتكسب جايزة
قيمتها 120 الف ستيكر جامدين جدااا وبلالين كتير
والفرقعه للصبح
ونعود لنبض الشارع ونبض الجماهير
هل عاد ابو رجل مسلوخه ليرهب سكان مساكن شيراتون والهرم ؟؟
تقول بكيزة 70 سنة : دى محاولة لتشويه صورة القطط الشيرازى
بيقولو عليها كلام فارغ .. كلام علب فاضية حضرتك
ازاى نبقى فى القرن ال33 ومبنفرقش بين الاشاعات والكلام الحقيقى
اما ممدوح ابو دوالى 7000سنه فيقول : انا امبارح
شفت ابو رجل مسلوخه فعلا
حتى بالامارة رجله كانت مسلوخه وبيمشى يعرج
ده هربان من ايام احمس
لانه كان ناوى يطرده مع الهكسوس .. لكن انا لما شفته عرفته
كان قاعد ورى كازينو
بياكل شاورما من عند جاد وقدامه علبة تونه
ودى اكلته المفضله من ايام جمعية احفاد رع الاستهلاكية
اما جمالات الدخاخنى 86 سنه : احنا لازم نرعى الاسطورة المصريه دى
زى سبيدر مان وسوبر مان وكده .. مش معقول يبقى عندى
اسطورة مصريه واخلى طفلى يعجب بحاجه امريكانى
احنا لازم نفخر بكده ولازم اصوره وهو بيشرب
الشيشه التفاح وبيلعب ضمنه وكمان وهو بيرمى الورق ع الارض
وبياكل سندوتشات الفول
.....................
حاله غريبة تنتاب الشارع المصرى هذه الاثناء
هل أجواء ماتش الاهلى والزمالك الجاى ..؟
والخوف من احراز ابوتريكه
هدفه رقم 9000 فى شباك الزمالك .؟؟
ام هى حالة من القلق توقعا لازمه فى مجلس الشعب
بسبب سقوط فنجان القهوه على عضو فى البرلمان
ام هو الخوف من تسرب امتحانات الثانويه العامة .؟؟
اسأله كثيرة تحتاج للإجابة الشافية
KaReeM/ اعد هذا التحقيق
..............................
